Systurnar Bríet og Marín Björgvinsdætur skruppu í Veiðihornið og náðu sér í veiðistangir og spúnabox. Mikil spenna og gleði á því heimilinu því þær eru algjörar aflaklær og nú þegar komnar með 6 tegundir eða ufsa, ýsu, kola, marhnút, krossfisk og óráðna tegund sem líklega er sæsteinsuga. Fiskana veiddu þær á bryggjunum í Hafnarfirði og Kópavogi og tóku þeir ýmist maðk eða spún.
Leiðrétting þann 8. júní:
„Mjói snákfiskurinn“ sem þær systur veiddu og við töldum vera sæsteinsugu hefur nú verið greindur með aðstoð Hafrannsóknarstofnunar og heitir fiskurinn Stóri mjóni og veiddist á bryggjunni í Kópavogi. Verður þessi fiskur að teljast merkasti fiskur keppninnar til þessa.
Myndirnar tók Björgvin Þór Heiðarsson.
Allir krakkar út að veiða og hafa gaman í allt sumar.
Við hlökkum til að fá veiðimyndir og elskum að heyra veiðisögur.
